Si edhe jeni informuar edhe më parë, për shkak të pandemisë globale të virusit Covid 19, kryetari i komunës së Ferizajt z.Aliu ndër vendimet e para të tij, pati marr vendim për reduktimin e stafit të administratës komunale.
“Më lejoni që t’i njoftoj të gjithë qytetarët e komunës së Ferizajt, se komuna e Ferizajt edhe në këtë kohë të pandemisë, po i ofron të gjitha llojet e shërbimeve komunale në mënyrë të pandërprerë, ku të gjithë qytetarët po i marrin shërbimet e nevojshme” ka thënë Arton Gavazi, Ushtrues detyre i Drejtorit të administratës së Përgjithshme
Për periudhën kohore nga data 13.03.2020 deri më sot qytetarët kanë kërkuar dhe marr 207 Shërbime komunale.
“Mirëpo duke e pasur parasysh gjendjen në të cilën gjendemi, ne ju bëjmë apel të gjithë qytetarëve pa dallime, që komunën e Ferizajt ta frekuentojnë vetëm ata qytetarë që marrjen e shërbimeve i kanë të domosdoshme, duke qenë kështu ne i zbatojmë rekomandimet dhe udhëzimet e dhëna nga niveli lokal dhe ai qendror për respektimin dhe zbatimin e masave mbrojtëse ndaj Koronavirusit” ka thënë Gavazi
