Ferizaj.16.06.2019. Rreth orës 00:25 minuta në rrugën “Bajram e Gursel Sylejmani” një banesë e ka kapluar zjarri në katin e parë.
Shumica e banorëve kishin dalur jashtë për shkak të tymit që ishte liruar nga ndezja e kabllove të rrymës në katin e parë dhe kabllove të internetit në katin e dytë.
Intervenimi i shpejtë i zjarrfikësve arriti që ta shuaj zjarrin ende pa marrë përmasa më të mëdha.
“Kemi intervenuar shumë shpejt dhe kemi shuar zjarrin. Pastaj kemi ajrosur ndërtesë për të evituar ndonjë të keqe më të madhe nga sasia e madhe e tymit” ka thënë shefi I ndërrimit të Brigadës së zjarrfikësve Jeton Avdiu.
