Tërë jetën ia kushtoi sportit përkatësisht karatesë, përveç me sport është marrë edhe me veprimtari kombëtare.
Është Ismet Mjaku, që pas një sëmundje të rëndë ka ndërruar jetë.
Mjaku ka dhënë shumë për sport, sidomos në kohërat më vështira, në kohën e okupimit 1991-1999, duke iu kundërvu regjimit serb. Mjaku përveç si karateist ka qenë edhe gjyqtar i dëshmuar i këtij sporti.
Mjaku është nga fshati Varosh komuna e Ferizajt.
“Miq, familjarë dhe dashamirë, me pikëllim të thellë ju njoftojmë se dje me datë 10.02.2020 pas një sëmundje te rëndë ndërroi jetë Baba jonë Ismet Halit Mjaku.Varrimi do të bëhet në varrezat e Fshatit Varosh. Për arritjen e të ndjerit në Kosovë, ju njoftojmë më vonë.” thuhet në njoftimin e familjes.
