Një burrë nga Xhamajka, që fitoi 1.1 milion euro në një lotari, është paraqitur për t’i marrë paratë duke mbajtur një maskë nga Scream.
Sipas Distractify, fituesi, i cili e identifikoi veten si A. Campbell, vendosi që ta tërhiqte çmimin në mënyrë të fshehtë pasi nuk do që t’i ndaje paratë me të afërmit e “uritur” për para.
Campbell priti 54 ditë për të marrë çmimin e tij prej 1.1 milion eurosh nga Super Lotto-ja e vendit, pasi kishte fituar fillimisht në nëntor të vitit të shkuar.
Fotot virale nga ngjarja tregojnë se ai shtrëngon duart me drejtuesit e lotarisë pasi ka marrë çekun gjigant i maskuar nga këmba tek koka.
Fituesit e lotarisë në vendin e Karaibeve shpesh mbulohen me maska kur shkojnë të marrin paratë për shkak të niveleve të larta të krimit në vend.
