Dua Lipa përqeshet për mënyrën si e quan babanë e saj

The Star ka publikuar një artikull ku flitet për përqeshjen që i kanë bërë malaziasit këngëtarës me origjinë shqiptare Dua Lipës Ajo është përqeshur pasi ka përdorur fjalën “babi” kur ka folur për babanë e saj, me rastin e urimit të ditëlindjes së tij. Megjithatë fjalën “babi” pas pak çastesh Dua e kishte ndërruar në “dad”, pasi malaziasit e kishin përqeshur për arsyen se “babi” do të thotë derr në gjuhën e tyre, shkruan rtv21.tv. The Star bën të ditur se këngëtarja 23 vjeçare vjen nga prindërit shqiptarë nga Kosova, duke shpjeguar domethënien e fjalës “babi” në gjuhën shqipe. Këngëtarja pushtoi industrinë muzikore në vitin 2017 me hitin e saj “New Rules” që ishte në pozitën e parë në Britani. Ajo gjithashtu fitoi çmimet “Artistja më e Mirë Britanike” dhe “Artistja më e Mirë Debutuese” në ceremoninë e ndarjes së çmimeve “Brit Awards”./21Media