Deputeti i Partisë Demokratike të Kosovës nga Ferizaj, Gazmend Bytyçi përmes profilit në rrjetin e tij social ka njoftuar për procedimin e ligjit të shumëkërkuar për mbrojtjen e vlerave të luftës së UÇK-së.
Postimi i plotë i tij:
“PROJEKTLIGJI PËR MBROJTJEN VLERAVE TË LUFTË SË UÇK-SË
Më datë 27.04.2020 në emër të Grupit Parlamentar të PDK-së, rinisa procedurën e miratimit të këtij ligji, që Kryetari i PDK-së, Kadri Veseli, e pati propozuar në vitin 2018!
Shumë i nderuar të përfaqësoj këtë nismë ligjore!
UÇK është vlerë dhe pasuri kombëtare, si e tillë duhet të normohet me ligj të veçantë.
UÇK është mbi çdo parti apo individ, është krenaria e historisë sonë më të re.
Presim mbështetjen e të gjithë deputetëve në Kuvendin e Kosovës!
Na priftë e mbara!
Lavdi të gjithë të rënëve për liri!”
