Deputetë nga Grupi i Miqësisë Kosovë-Zvicër, në ambientet e Kuvendit të Kosovës, pritën në takim ambasadorin e Zvicrës në Kosovë, z. Zean-Hubert Lebet.
Në kuadër të këtij takimi, përveç tjerash, u diskutua për mbështetjen e shtetit zvicran ndaj Kosovës, çështjen e sigurimeve shëndetësore për shtetasit e Kosovës që kanë punuar në Zvicër, shkëmbimet tregtare dhe tregtinë e lirë ndërmjet vendeve tona, në këtë kuadër, diskutuam për barierat tregtare mbi aplikimin e masës mbi taksën shtesë dhe shpenzimet doganore për produktet e Republikës së Kosovës në tregun zvicran, aktualitetin politik në vend.
“Gjatë takimit, kërkuam vazhdimin e mbështetjes së politikës zvicrane për Kosovën, mbështetjen e bizneseve tona prodhuese, bashkëpunimin dhe përkrahjen për shkollat profesionale përmes projekteve ndërshtetërore në fushën e aftësimit dhe formimit profesional, mbështetjen në realizimin e prioriteteteve e politikave sociale ndaj kategorive të caktuara” ka thënë deputeti Elmi Reçica.
