Në zyrat e Caritas Kosova në Ferizaj është nënshkruar një memorandum bashkëpunimi dhe dy kontrata pune për stafin e Qendrës Këshilluese “Këshillimi”: një psikologe dhe një asistente, ku Don Viktor Sopi-drejtor gjeneral i Caritas Kosova dhe Arjeta Musliu-drejtoreshë e Qendrës Këshilluese “Këshillimi” ishin nënshkruesit e saj.
“Një mbështetje shumë e madhe për ne, duke e pasur më të lehtë qëllimin që kemi vënë para vetes në shërbimet falas për përdoruesit e substancave narkotike dhe familjarët e tyre. Mirënjohës përherë Caritas Kosova dhe Don Viktor Sopit për përkrahjen që po i jep qendrës sonë, duke u zotuar se bashkëpunimet tona do të jenë edhe më të mëdha muajve në vijim. Qendra jonë përveç hapësirës së zgjeruar, tash ka edhe stafin e saj profesional” thuhet në njoftimin e Qendrës Këshilluese “Këshillimi”
