Antonio Conte do të jetë trajneri i ri i Chelseat.
Chelsea e ka emëruar italianin Antonio Conte si trajnerin e ri, ka bërë të ditur klubi në një komunikatë zyrtare.
Italiani 46-vjeçar është emëruar si trajner i kampionëve të Anglisë, dhe do të marrë drejtimin e Chelseat pasi të ketë përfunduar ‘Euro 2016’, kur ai do të përfundojë kontratën e tij me kombëtaren e Italisë, shkruan “BBC”, transmeton Gazeta Blic.
“Jam krenar që jam trajner i kombëtares së vendit tim dhe vetëm një rol atraktiv si menaxher i Chelseat mund të pasonte pas tij”, tha Conte.
Guus Hiddink, i cili zëvendësoi Jose Mourinhon, do të jetë në drejtim të Chelseat deri në fundin e sezonit.
Conte bëhet italiani i pestë që menaxhon Chelsean, pas Gianluca Viallit, Claudio Ranierit, Carlo Ancelottit dhe Roberto Di Matteos. /Gazeta Blic/