Lideri i LSDM-së, Zoran Zaev, ka kërcënuar se do të vazhdojë me publikimin e bombave, nëse ndodhë që Prokuroria Speciale Publike (PSP) të ndërpresë punë dhe nëse materialet e përgjuara i kthen sërish te LSDM-ja, transmeton Telegrafi Maqedoni.
Pas nënshkrimit të Platformës, ku Zaev u bëri thirrje qytetarëve që të bojkotojnë zgjedhjet, gjithashtu para gazetarëve shtoi se do t’i përdorë të gjitha mekanizmat dhe mjetet që i ka në shfrytëzim, duke shtuar se e vërteta është e fuqishme dhe nuk mund ta pengojë askush që të del në shesh.