Reali mposhti me lehtësi 5:1 polakët e Legias, në kuadër të xhiros së tretë të Ligës së Kampionëve në fazën e grupeve.
Trajneri francez në konferencë për shtyp pas ndeshjes, ka thënë se është i kënaqur me lojën ofensive të skuadrës, dhe mundësit e shumta të krijuara.
“Ne krijuam shumë mundësi, shënuam pesë herë dhe jam i kënaqur me lojën tonë në pjesën ofensive. Ne luajmë futboll sulmues sot. Ne gjithmonë mund të përmirësohemi, luajmë pak duke rrezikuar por e mira është se kur luanim në fazën ofensive krijuam shumë mundësi. Gjëja më e rëndësishme për sot ishte që të fitonim dhe të shënonim. Çdokush dëshiron që ne të shënojmë pesë, gashtë, shtatë gola, por duhet punuar shumë dhe nganjëherë nuk e arrin atë që gjithmonë dëshiron”, deklaroi Zidane, përcjellë lajmi.net.
Njëra nga pyetjet që mori Zidane, ishte edhe mos shënimi i një goli nga Ronaldo, njeriu që shënon më së shpeshti te Reali.
Zidane arsyetoi Ronaldon, duke thënë se portugezi ka bërë punë të madhe për të ndihmuar shokët e skuadrës të gjejnë rrjetën e golit.
“Jam i lumtur me treshen e fazës së sulmit sot. Njerëzit gjithmonë dëshirojnë që Ronaldo të shënoi hattrik, por ai sot krijoi shumë mundësi për shokët e skuadrës. Jemi të kënaqur me punën e gjithë lojtarëve”.
.