Mbledhja duket se nuk ka nisur normalisht. Sipas deputetit demokrat, Gent Strazimiri, përfaqësuesit e mazhorancës nuk kanë shkuar në komision për të vijuar mbledhjen, që sipas tij, do të bëhej përmbyllja e draftit përfundimtar.
Kërkesa e opozitës që ka krijuar një lloj ngërçi duket se ka të bëjë me miratimin me dy të tretat e votave për anëtarët e Këshillit të Lartë të Drejtësisë dhe Këshillit të Lartë të Prokurorisë.
Sipas Partisë Demokratike, Partia Socialiste kërkon që formula të jetë vetëm për Vettingun, ndërsa opozita kërkon që kjo të respektohet për të katër organet e drejtësisë.
Gjithsesi, burime nga Kuvendi i Shqipërisë thanë se seanca do të zhvillohet ditën e nesërme, datë 21 korrik në orën 10:00 për të miratuar ndryshimet kushtetuese për reformën në drejtësi.
.