Sot në media u raportua se zëdhënësi i KEDS-it, Viktor Buzhala, ka paralajmëruar rritje të faturave të energjisë elektrike, që sipas tij, vjen si pasojë e rritjes së importit të energjisë elektrike e cila ka mbërritur çmime stratosferike.
Por, një gjë të tillë e ka hedhur poshtë vetë Buzhala i cili ka thënë se është keqinterpretuar nga KTV për deklaratën e tij, shkruan Reporteri.net
“Sot jam keqinterpretuar nga KTV dhe kompania Koha. Për çmimet e energjisë elektrike kam thëne qe nuk mund te spekulojmë se çka do te ndodhe pasi varet nga shume faktorë, për te cilën do te vendosin akterët energjetik. As unë, as KEDS ne asnjë rrethane nuk kemi paralajmëruar rritje te çmimit. Ju lutem merreni këtë si deklarate zyrtare”, tha Buzhala.