Është zbuluar një e vërtetë rreth një kacafytje në mes të Cristiano Ronaldos dhe ish-trajnerit të Real Madrid, Rafael Benitez.
Sipas ‘El Pais’, Ronaldo thuhet se ka pasur një zënkë me Rafael Benitezin gjersa ky i fundit ishte trajner i Real Madrid.
Këta të dy nuk patën marrëdhënie aspak të mirë gjatë kohës kur Benitez ishte në krye të Realit, dhe mësohet se ata janë grindur shkaku i një USB-je, përcjell Gazeta Blic.
Thuhet se Benitez i ka dërguar Ronaldos një USB, e cila përmbante instruksione se si Ronaldo të mposhte kundërshtarët e tij në dyluftim.
Kjo thuhet se e ka acaruar tej mase Ronaldon, i cili thuhet se është kundërpërgjigjur duke thënë: “Thuani Benitezit se do t’i dërgoj atij një USB me të gjitha golat që unë kam shënuar, në mënyrë që ai t’i studiojë ato”.
Benitez u shkarkua nga posti i trajnerit të Real Madrid, për t’u zëvendësuar nga Zinedine Zidane. /Gazeta Blic/