Policia dje ka zbuluar dy raste tentim për transport ilegal të emigrantëve, transmeton Portalb.
Në rastin e parë janë gjetur 12 pakistanezë. Pasi policia ka tentuar ta ndalë personin që ka bartur emigrantët i njëjti nuk është ndalur menjëherë por pas dy kilometrave ka ndalur automjetin dhe ka ikur. Ngjarja ka ndodhur në rrugën Gjevgjeli- Demir Kapi.
Në rastin e dytë policia ka zbuluar transport ilegal të 9 emigrantëve nga një vozitës nga Prilepi.
Policia ka kumtuar se ka hetuar dy vetura, një e tipit “Pezho206” me targa të Bullgarisë dhe tjetra “Seat Toledo” me targa të Kumanovës, vozitësi i së cilës ka dalë nga vetura dhe ka ikur. Në veturën e parë janë transportuar 4 emigrantë, ndërkaq në të dytën 5 emigrantë nga Iraku.
Pas dokumentimit të rastit emigrantët do të vendosen në qendrën për të huaj.