Kryetari i Lëvizjes Vetëvendosje, Visar Ymeri ka thënë se nga demarkacioni me Malin e Zi, humbi shumë Kosova.
“Këtë nuk po e themi ne, por këtë po e thonë të gjithë ekspertët vendor. Ata po thonë shumë qartë se Kosova do të humb hiq më pak se 8 mijë e 200 hektarë”, tha ai në RTK, raporton Gazeta Blic.
“Komisioni për demarkacionin është si një pako e Nescaffes, ku i ke të gjitha, vetëm që t’ua shtosh edhe ujin”, thotë Ymeri, raporton Gazeta Blic.
Ai ka thënë se metodologjia e komisionit për demarkacionin ka qenë e gabuar.
“Nëse do të vijmë në pushtet do t’i ndalim këto marrëveshje”, tha ai.
Ymeri tha se opozita është më e bashkuar si asnjëherë më parë.