Presidenti i Serbisë, Aleksandar Vuçiç ka zhvilluar një takim me Komisionerin Evropian për negociata të zgjerimit Johanes Han, i cili është në vizitë zyrtare në Beograd. Vuçiq theksoi se tema kryesore që zhvilloi me Hahnin ishte për marrëdhëniet midis Beogradit dhe Prishtinës, situatës në rajon, sundimin e ligjit … “Shteti ynë është njëri prej faktorëve që dëshiron të ruaj stabilitetin dhe paqen. Nëse është e nevojshme do të diskutojmë tri herë në ditë me Kosovën vetëm për të ruajtur jetën e serbëve që jetojnë në Kosovë dhe Metohi”, është shprehur ai, transmeton Indeksonline.
Sipas Vuçiqit, Beogradi zyrtar aktualisht nuk ka pozicion të lehtë për të bërë kompromis. “…por është mirë që pas 10 vitesh negociata të ketë zgjidhje se sa të ketë luftë”, ka deklaruar ai gjatë një konference me gazetar. /Indeksonline/