Një vozitës automjeti është kapur në radarin e policisë në magjistralen Prishtinë – Ferizaj, duke ngasur 192 kilometra në orë.
Vozitësit, që atë shpejtësi e zhvilloi në fshatin Prelez e ku shpejtësia maksimale ishte 50 kilometra në orë, policia i mori lejen e qarkullimit, duke i dhënë edhe gjobë.
“Në lidhje me këtë policia, ndaj shoferit me inicialet N.H (M/K) i moshës 25-vjeçar i shqiptoi një gjobë, sipas ligjit të komunikacionit rrugor, 300 euro, 3 pikë negative dhe tre (3) muaj masë mbrojtëse ( heqje e patentë shoferit)”, njofton policia.
Sipas policisë, shoferi në tërësi e pranoi kundërvajtjen e shkaktuar.