Albin Kurti është zgjedhur për herë të dytë kryeministër i Kosovës.
Rreth një vit pasi u zgjodh për herë të parë kryeministër, kreu i Lëvizjes Vetëvendosje është zgjedhur sot për herë të dytë në krye të Qeverisë së Kosovës.
Qeveria Kurti 2 u votua me 67 vota për, 30 kundër dhe asnjë abstenim.
Të pranishëm ishin 107 deputetë të Kuvendit të Kosovës.
Ndërkaq, seancën e ka lëshuar opozita. Kryetari i PDK-së, Enver Hoxhaj ka thënë se sot është parë një Qeveri e dytë e Kurtit.
Ai ka thënë se kanë pritur që mazhoranca nuk do të jetë arrogante dhe se ishte dashur të pritej koncensus për caktimin e seancës.