Personi, i cili është komando dhe i shpallur në kërkim për plagosjen e Ervis Martinajt dhe Eljon Hatos, si dhe për vrasjen e 26-vjeçarit Fabiol Gaxhaj, është identifikuar nga policia.
Ai është 41-vjeçari Mevjol Billoni, banues në Tiranë, i cili ndodhej në vendin e ngjarjes, në momentin që ka nisur sherri.
Billoni është efektiv i Forcave Komando në Zall Herr.
Ai njihet edhe si një eksperti i përdorimit të armëve të zjarrit, pjesë e batalionit special “Berretat e Kuqe”. 41-vjeçari është një nga qitësit më të mirë në ushtri.
Nga burime jozyrtare mësohet se Billoni është kushëri me këngëtaren Elvana Gjata.
Aktualisht, policia e ka shpallur në kërkim bashkë me të dashurin e këngëtares, biznesmenin Ervin Mato dhe Fabio Allushin, 42 vjeç, banues në Tiranë.