Lëvizja Vetëvendosje kreu sot një aksion simbolik para banesës së Presidentit Hashim Thaçi.
Gjatë aksionit ky subjekt pasurinë e Presidentit e cilësoi të vjedhur, ndërsa i kërkoi atij që ta kthejë atë pasuri.
Vetëvendosja i bëri thirrje Thaçit që “të mos e falë tokën e Kosovës”, duke aluduar në marrëveshjen e 26 gushtit 2016 për përcaktimin e vijës kufitare me Malin e Zi, transmeton KALLXO.com.
Aktivistja Teutë Rrusta tregoi pse Thaçi është President.
“Hashim Thaçi po e përdor postin e Presidentit për t’u arratisur nga burgu” tha ajo.
Në fund të aksionit, aktivistë të Vetëvendosjes e lanë pankartën me mesazhin për Thaçin para objektit ku jeton Presidenti.
Një aksion të ngjashëm para banesës së Thaçit Vetëvendosja e kreu edhe në vitin 2013.