Qytetarët e Komunës së Shtimes vazhdojnë ta shpërfillin procesin e legalizimit të objekteve pa leje me arsyetim se çmimet dhe taksat komunale janë të larta dhe të papërballueshme, shkruan sot Koha Ditore.
Nga ana tjetër, kjo komunë prej afro 2 vjetësh ka bërë të gjitha përgatitjet për procesin e legalizimit të ndërtimeve pa leje, mirëpo deri tashti kanë aplikuar vetëm 7 qytetarë.
Komuna ka bërë listën e projekteve në të cilën figurojnë gjithsej 9 mijë e 975 objekte, prej tyre vetëm 597 objekte janë të pajisura me leje ndërtimore.
Procesi i legalizimit e ka bazën juridike në Ligjin e trajtimit të ndërtimeve pa leje nr. 04/L-188 dhe Udhëzimin administrativ nr. 18/2014 për kërkesat themelore të sigurisë për trajtimin e ndërtimeve pa leje. Prandaj, ky ligj pati hyrë në fuqi më 5 shkurt 2014 dhe do të shfuqizohet më 5 shkurt të vitit 2017