Ministri Gashi njoftoi se MKRS-ja ka zhvilluar procedurat për përzgjedhjen e kompanive për fizibilitet. Ministri tregoi se janë përzgjedhur gjashtë kompani në rrethin e ngushtë dhe do të merren me këtë proces.
“19 kompani prestigjioze që kanë hartuar projekte të stadiumeve ndërkombëtare kanë konkurruar, janë kompani me renome dhe është një fat i mirë që në thirrjen tonë për hartim të projektit kemi pasur kompani të këtilla”, ka shpjeguar ministri.
Në anën tjetër, Kadri Veseli ka thënë se vitin e ardhshëm, në këtë lokacion pritet të fillojë ndërtimi i Stadiumit Kombëtar.
“Ky kompleks sportiv do të jetë nga më modernët në rajon. Do të investojmë në ngritjen e infrastrukturës sportive gjithandej Kosovës, në mënyrë që rinia jonë e talentuar të ketë kushte më të mira dhe me sukseset e saj ta bëjë krenar shtetin tonë”, ka thënë Veseli.