Kryetari i Kuvendit të Kosovës, Kadri Veseli ka kërkuar ndihmë nga Ambasda Britanike, për të ndihmuar institucionet e Kosovës në përzgjedhjen e Bordeve në Ndërmarrjet Publike dhe depolitizimin e tyre.
Ka qenë kërkese decidive e kryeparlamentarit Kadri veseli në drejtim të Ambasadës angleze, me qellim që kjo e fundit të ndihmojë për depolitizimin e Bordeve të Kompanive Publike.
Sipas burimeve të rtk-së, ambasadori britanik fillimisht ishte shprehur i rezervuar.
“Vetë ambasadori anglez fillimisht ka qenë i rezervuar dhe mosbesues, por më vonë është bindur për seriozitetin e kërkesës së Kryeparlamentarit”, i ka thënë RTK-së ky burim.
Ndryshe, javën vijuese do të nënshkruhet marrëveshja që ndryshon mënyrën e përzgjedhjes së kandidatëve nëpër bordet e ndërmarrjeve publike. Asistencë në këtë drejtim Kosovës do t’i ofrojë një ndërmarrje nga Britania e Madhe.
Po ashtu në një takim informues me gazetarë, zyrtarët e Ambasadës Britanike kanë shpjeguar se tashmë është në proces të tenderimit përcaktimi i një kompanie britanike rekrutuese, e cila do të kryente përzgjedhjen e kandi datëve për borde të caktuara të ndërmarrjeve publike.