Vendimmarrja unanime nga Institucionet e BE-së ka qenë dhe është problem permanent i Bashkimit Evropian. BE-ja ende nuk po mund të gjejnë zgjidhjen e duhur që të flet në emër të 28 vendeve të saj. Këto dallime mes anëtarëve të BE-së vërehen sidomos në politikën e jashtme të BE-së. Mos pranimi i statusit të Kosovës, problemi i refugjatëve nga lindja, është një dëshmi që tregon se BE nuk mund të flet një zëri. Vendimmarrja për Bashkimin Evropian është bërë edhe më e vështirë si rezultat i fillimit të procesit të daljes së Britanisë së Madhe nga BE-ja. Bashkimi Evropian përballet edhe me shumë sfida të tjera siq janë : Kriza e eurozonës, problemet financiare me Greqinë, problemet politike, armët atomike, papunësia dhe emigracioni, mjedisi, lufta kundër terrorizmit e më shumë e shumë sfida e probleme të tjera. Mirëpo, BE-ja ka ardhur deri këtu duke tejkaluar sfidat, duke ndryshuar në vazhdimësi me vendime të rëndësishme. Tani është koha që BE-ja të reflektojë shpejtë për zhvillimin e mëtejshëm të idesë evropiane dhe të bindë euroskeptikët dhe vendet të cilat aspirojnë të anëtarësohen në BE, se BE-ja është një e ardhme e sigurt. Gjithashtu Bashkimi Evropian duhet ta marrë vendin e duhur edhe në marrëdhëniet ndërkombëtare.
Autori Burim Ugzmajli Master i Politikave të BE-së