Reumatologu, Sylejman Rexhepi ka ndërruar jetë mëngjesin e sotëm si pasojë e COVID-19.
Lajmin e ka konfirmuar drejtori i Klinikës së Reumatologjisë Dr. Avni Kryeziu.
“Po sot na kanë njoftuar se ka ndërruar jetë reumatologu, Sylejman Rexhepi, si pasojë e virusit COVID-19”, deklaroi ai.
Si pasojë e coronavirusit në Kosovë kanë vdekur 158 persona, në mesin e tyre tre doktorë.
Aktualisht raste aktive me COVID-19 në Kosovë janë 2 mijë e 804.
Instituti Kombëtar i Shëndetësisë Publike në Kosovë, ka kërkuar nga qytetarët që të respektojnë masat mbrojtëse ndaj virusit, të mbajnë maskat mbrojtëse, të mbajnë distancën dhe higjienën.