Një person në Klinë ka vdekur të martën mbrëma nga sulmi në zemër pasi ishte pickuar nga bleta.
Drita Gjergji, drejtoreshë e QKMF-së në Klinë, ka thënë për portalin Koha.net se B.S. 50-vjeçar, ka vdekur si pasojë e sulmit në zemër, por sipas saj, familjarët i kanë thënë se ai ishte pickuar nga bleta.
“Mjekët kujdestarë kanë raportuar se personi kishte pësuar arrest kardiak dhe ka vdekur gjatë transportimit për në spitalin e Pejës, ndërsa familjarët kanë thënë se ai ka vdekur nga pickimi i bletës”, ka thënë Gjergji për portalin Koha.net.
Ndërkaq, një zyrtar i Komunës së Klinës i ka thënë portalit se viktima, vetëm 5 minuta pasi është pickuar nga bleta, ka ndërruar jetë si pasojë e një sulmi në zemër.