Ka vdekur 3-vjeçari, i cili kishte pësuar djegie trupi mbi 75 përqind, pasi shtëpia ku jetonte ishte përfshirë nga zjarri.
Shefi i Intensivës, Shaqir Uka ka thënë për Indeksonline se tre vjeçari ka ndërruar jetë mbrëmë pas mesnate.
“S’ka mujt me iu përballu plagëve që i ka marrë nga djegiet, mbrëmë pas mesnatës, apo në orët e para të mëngjesit të sotëm ka ndërruar jetë” ka thënë ai për Indeksonline.
Kujtojmë se shtëpia është përfshirë nga flaka pasditen e së shtunës në Ferizaj.
Gjatë këtij aksidenti, një fëmijë 3 vjeçar ishte aty brenda në një dhomë i lënduar nga tymi dhe flaka.
Fillimisht, fëmija i lënduar është dërguar në QKUK Prishtinë për tretman mjekësor, por që pas disa ditëve nuk ka arritur t’i mbijetoj plagëve.