Pas vendimeve të marra nga Këshilli Shtetëror i Cilësisë (KShC) me datë 27.07.2021, për akreditim dhe riakreditim të programeve të studimit, Universiteti i Shkencave të Aplikuara në Ferizaj (UShAF), së shpejti do të hap konkursin për pranimin e studentëve të rinj për vitin akademik 2021/22.
UShAF këtë vit akademik do të vazhdojë të funksionojë me këto programe të studimit: Në nivelin Bachelor për të rinjt do të jenë të hapura këto programe: • Informatika e Aplikuar; • Dizajn Grafik dhe Multimedia; • Menaxhment Industrial; • Arkitekturë e Interierit dhe Dizajn i Mobileve; • Dizajni dhe Konstruksionet e Produkteve nga Druri; • Menaxhment i Turizmit dhe Hotelerisë; • Inxhinieri Industriale dhe Informatikë;
Ndërsa, në nivelin Master do të jenë në dispozicion të të rinjve këto programe: • Arkitektura dhe Dizajni i Interierit me Prodhime nga Druri; • Menaxhimi dhe Inovacioni në Turizëm; • Inxhinieria dhe Informatika.
Rektori i UShAF, Prof. Dr. Agron Bajraktari falënderon të gjithë stafin e Universitetit për angazhimin e tyre në procesin e akreditimit, e në veçanti studentët, për përkushtimin dhe sukseset që ata i sjellin institucionit tonë.