Një aksident i rëndë ka ndodhur të mërkurën në Shkup, kur treni ka goditur një veturë në lagjen Vizbeg, deri sa kanë kaluar hekurudhën. Me këtë rast lëndime të rënda kanë marrë vëllezërit Eshtref e Avdulla Selimi, të cilët sipas dëshmitarëve okularë, janë dërguar në spital, shkruan Gazeta Lajm. Familjarë të tyre kanë publikuar në rrjetet sociale fotografi nga vendi i ngjarjes, që dëshmojnë për përmasat e aksidentit, por edhe nga spitali.