Deputeti Faton Topalli në mbledhjen e sotme të Kuvendit të Kosovës edhe njëherë ka kërkuar që të shprehet vullneti politik për implementimin e vendimit të Gjykatës Kushtetuese nga ana e AKP-së dhe Qeverisë dhe të ekzekutohet vendimi për pagesën e punëtorëve të ish Fabrikës së Gypave në Ferizaj.
“Në tri legjistraturat e fundit të Kuvendit të Kosovës e kam shtruar për disa herë me radhë çështjen e ekzekutimit të vendimit të Gjykatës Kushtetuese për punëtorët e Fabrikës së Gypave. Edhe pse Gjylata Kushtetuese e ka konfirmuar dhe rikonfirmuar vendimin për ta, AKP dhe tri qeveritë e fundit nuk e kanë implementuar këtë vendim. Nga Kuvendi i Republikës së Kosovës, me rezolutën e PSD-ës, kam kërkua të shprehet vullnetin politik për implementimin e vendimit të Gjykatës Kushtetuese nga ana e AKP-ës dhe Qeverisë. Gjat votimit shpresoj që kjo rezolutë të aprovohet” ka thënë Topalli.
Për më shumë në video mund ta shihni fjalimin e Topallit në lidhje me këtë çështje