Presidenti i vendit, Hashim Thaçi, ka theksuar edhe njëherë rëndësinë e partneritetit të Kosovës me Shtetet e Bashkuara të Amerikës.
Ai ka komentuar takimin e sotëm Thaçi-Veseli-Haradinaj-Kosnett, për të cilin tha se i kontribuon fuqizimit të bashkëpunimit Kosovë-SHBA.
“Takimet e tilla ndodhin shpesh. Janë takime të rregullta edhe me ambasadorin e ShBA-ve edhe me bartësit e institucioneve të vendit dhe liderët politik, me përkushtimet që kemi për koordinim edhe më të mirë në agjendat që kemi para nesh”.
“Natyrisht gjithmonë në koordinim dhe konsultim të ngushtë me ShBA-të. Andaj mendoj se ishte takim që i kontribuon qartësisë së agjendës dhe fuqizimit të bashkëpunimit me ShBA-të, dhe nuk ka individ apo agjendë ditore që do e sfidojë këtë partneritet të shtetit të Kosovës të vullnetit të qytetarë të Kosovës, as sot as në të ardhmen, me ShBA-të”.
Këto deklarata Thaçi dha pasi bëri homazhe tek shtatorja e Zahir Pajazitit në 22 vjetorin e rënies së tij, me ç’rast vlerësoi lartë kontributin e heroit dhënë për lirinë dhe pavarësine Kosovë.