President Hashim Thaçi ka thënë se Kosova dhe Serbia duhet të përmbushin, pa kushte, detyrimet e tyre në bazë të marrëveshjeve të arritura në Bruksel.
Ai, në një intervistë për Beta, ka thënë se pret shpejt formimin e Forcave të Armatosura të Kosovës, e cila do të jetë multietnike dhe do të hap perspektivën e anëtarësimit në NATO.
“Institucionet e Kosovës po arrijnë agjendë të planifikuar. Zhvillimi i marrëdhënieve Kosovë – Serbi nuk mund të arrihet me anë të pengimit të njëri-tjetrit. Kosova do të përmbush detyrimet e saj dhe në të njëjtën kohë edhe Serbia duhet ta bëjë këtë”, ka thënë Thaçi.