Televizioni Publik i Shqipërisë, përmes një njoftimi në Facebook, ka bërë të ditur që ka siguruar transmetimin e disa Kompeticioneve Futbollistike për një periudhë 5-vjeçare.
Më poshtë e keni njoftimin e plotë për shtyp të TVSH-së.
“TVSH sjell një gamë të gjerë aktivitetesh sportive, falas për të gjithë teleshikuesit, nga futbolli, te garat e shpejtësisë (Moto GP), te lojërat me dorë, atletikë dhe çiklizëm. Përmes një njoftimi në faqen e emisionit “Rubrika Sportive” në Facebook, njoftohet se TVSH do të transmetojë pa pagesë disa kompeticione futbollistike për një periudhë 5-vjeçare, ndërsa bie në sy “Europiani 2020”.
– Europiani 2020 (faza finale) – Nations League 2018/2019 – Nations League 2020/2021 – Ndeshjet kualifikuese të Kombëtares për Euro 2020 dhe Botërorit 2022 … të gjitha në një ekran…RTSH. Paketës sportive të RTSH-së i shtohen edhe ekskluzivitetet ekzistuese të futbollit elitar si: – Kupa e Konfederatave 2017 (ekskluzive), – Kupa e Botës Rusi 2018 (ekskluzive), – Kupa e Konfederatave 2021 (ekskluzive), – Kupa e Botës Katar 2022(ekskluzive).
RTSH tregon edhe një herë vëmendjen e veçantë që ka për “buqetën sportive” e cila në kanalin RTSH Sport do të jetë e plotësuar edhe me të tjera EKSKLUZIVITETE: – MOTO GP – Europa League – Kualifikueset e Evropës për Botërorin 2018 – Kualifikueset e Amerikës Latine për Botërorin 2018 – Euroleague – NBA (fazat finale) – Roland Garros – Tour de France – Kampionati Botëror i Atletikës, Londër 2017 – Kampionati Shqiptar i futbollit, Superliga (1 ndeshje në javë) – Kampionati Shqiptar i futbollit, Kategoria e parë – Ndeshjet e ekipit Kombëtar U 21 – Kampionatet kombëtare të lojrave me dorë dhe Përfaqsueseve shqiptare të tyre… Shumë shpejt, RTSH Sport do të ketë një programacion të ngjeshur me evente LIVE, emisione televizive si dhe edicionet e lajmeve. Gjithçka pa ASNJË pagesë shtesë…! Ju falenderojmë që na ndiqni…”.
Parashikoni n deshje të futbollit dhe fitoni dhjetëra shpërblime, duke përfshirë një iPhone 7 dhe Samsung Galaxy S6