Ferizaj.12.10.2017. Kandidati i Lidhjes Demokratike të Kosovës për kryetar të Ferizajt, Muharrem Svarqa, në vazhdën e aktiviteteve zgjedhore është takuar me banorët e fshatit Pojatë. Gjatë këtij takimi, Svarqa tha se po e përmbyll një mandat të suksesshëm qeverisës.
Teksa përmendi investimet që Svarqa tha se janë bërë në këtë fshat, ai u kërkoi banorëve të Pojatës votën edhe për mandatin e dytë, duke thënë se deri tani ka qeverisur me duar të pastra e pa afera korruptive.