Studentët duke lexuar libra dhe duke diskutuar, kanë për qëllim që të japin një mesazh simbolik, për siç thonë ata, rrezikimin që po i bëhet kampusit të UP-së me funksionalizimin e këtij objekti fetar, raporton lajmi.net
Edon Zeneli në emër të grupit ‘Uniteti’, thotë se qëndrimi i tyre i përbashkët është veprim studentor, që kampusi universitar të përdoret nga dhe për studentët.
“Janë ngrit zëra që ky objekt është ndërtua në kundërshtim. Politikanët tanë po e cenojnë dhe ne nuk do ta lejojmë këtë. Ne do të qëndrojmë këtu 45 min sa do të zgjas një orë mësimore dhe to vazhdojmë të lexojmë në hapësirën që i takon kampusit universitar. Kjo hapësirë është e studentëve”, ka deklaruar Zeneli.
Me grupin e studentëve janë edhe profesorë. Bekim Lumi, profesor në Fakultetin e Arteve, po konsideron se feja dhe religjioni nuk kanë çfarë të kërkojnë në hapësirën e Universitetit.
“Hapësira universitare nuk duhet të politizohet. Jemi këtu për me ritheksua të drejtën tonë për dije dhe arsim. Hapësira ju përket UP-së”, ka deklaruar Lumi.
Disa pjesëtarë të Policisë së Kosovës tashmë kanë rrethuar objektin e kishës. /lajmi.net