Një lumë reagimesh kemi sot. Në fakt, po tentohet që lumenjtë të bëhen bashkë e të krijojnë një liqen.
Liqen i bazuar në diçka që, as ata që po shajnë e kritikojnë, besoj se nuk e kuptojnë.
Arbana Xharra, për mua ishte një luftëtare. Bëri luftën e saj në mënyrën e zanatin e vet!
Ia heq kapelën edhe për vetë kritikat ndaj PDK-së!
Përfshirja e saj në politikë, në mënyrë aktive, e dëshmon atë që luftëtarja mbetet luftëtare, në të gjitha rrjedhat e jetës.
Ajo për të cilën ka nevojë skena politike kosovare, është një shtresë politikanësh që kanë guxim, vullnet e kurajë të mos dorëzohen, madje as para shefave të partisë.
Një figurë si Arbana, i duhet PDK-së, ngase vetë PDK-ja do të reformohet e do të kthehet në gjenezën e saj.
Thjesht, do të jetë grupim i njerëzve luftëtarë!
Mirë se erdhe, Arbana Xharra, në PDK!
Gazmend Bytyqi