Se partitë në pushtet kanë “kapur” çdo institucion, tashmë duket se më nuk është as lajm. Kryetari i Këshillit Kombëtar të Cilësisë në kuadër të Agjencisë së Akreditimit, Blerim Rexha pavarësisht pse ka ardhur tash e sa muaj në krye të këtij institucioni të rëndësishëm, ai vazhdon që të jetë pjesë aktive e politikës në Kosovë, raporton gazeta Blic.
Ai sot ka marrë pjesë në një nga forumet e Partisë Demokratike të Kosovës.
Gazeta Blic e ka siguruar një fotografi të Rexhës, i cili ishte pjesë e mbledhjes, ndërkohë që në një intervistë të dhënë për mediet, vetë njeriu kryesor për akreditimin e institucioneve të arsimit të lartë në Kosovë, ka theksuar se ai do të jetë parimor dhe do ta respektoj ligjin. Madje, ai kishte premtuar se ato institucione që nuke respektojnë ligjin, le ta harrojnë akreditimin, raporton Gazeta Blic.
Sidoqoftë, pjesëmarrja e tij në forumet e partive politike mund të ngrit dilema të shumta, se sa do të mund ta ushtroj në mënyrë të pavarur një funksion aq të rëndësishëm, si shef i Agjencisë së Akreditimit, derisa në të njëjtën kohë është pjesë e forumeve partiake.
Rexha në krye të AKA erdhi pas paraardhësja e tij, Ferdije Zhushi- Etemi u arrestua nga policia e Kosovës nën dyshimin për dallavere me akreditimin e institucioneve të arsimit të latë./ Gazeta Blic