Kryeministri i Shqipërisë Edi Rama bëri këtë deklaratë nga Durrësi, duke shtuar se sot receta elektronike është një realitet i përshëndetur nga të gjithë mjekët e familjes.
Kreu i qeverisë shqiptare pohoi se me këtë recetë korrupsioni në sistem bëhet i pamundur.
“Receta elektronike e bën të pamundur korrupsionin. Nuk do shkruhen më me dorë para që merren nga arka e shtetit dhe që ndahen mes farmacistëve dhe zyrtarëve të korruptuar. Kështu bëhet kalimi nga projekti në letër në realitetin e përditshëm”, tha Rama.
Sa i takon korrupsionit në sistem, Rama tha se ka ende jo pak raste mes mjekëve që njollosin të gjithë personelin shëndetësor me qasjen e tyre.
“Nuk janë njerëzit që korruptojnë sistemin, por është sistemi që korrupton njerëzit, ja pse duhen bërë reformat”, përfundoi Rama.