Përfaqësuesi i punëtorëve të Pallatit të Drejtësisë, Sadri Llumnica ka folur për vështirësitë që po hasin në objektin e tyre, që nga transporti e deri tek sistemi i ajrimit.
Ai ka thënë se objekti është në përgjegjësi të Ministrisë së Administratës Publike, sepse e ka marrë nga Bashkimi Evropian, transmeton Koha.net.
“Ata e kanë marrë objektin dhe duhet ta dinë edhe për pranimin teknik. Populli thotë ‘nuk blehet maca në thes’, kështu që ata duhet ta dinë”, ka thënë Llumnica në “Interaktiv” të KTV-së.
Ai gjithashtu ka thënë se kanë problem me transport dhe se po presin nga Qeveri se çka do të bëjë për arsye se Këshilli Gjyqësor, Këshilli Prokurorial, Ministria e Drejtësisë dhe përfaqësuesi i sindikatës kanë nënshkruar memorandum për këtë çështje.