Simiq i ka thënë agjencisë serbe të lajmeve ” Tanjug” se ekipi negociator i Beogradit në bisedimet e djeshme në Bruksel ka parandaluar futjen e reciprocitetit nga ana e Prishtinës më 15 nëntor.
“Unë mendoj se është arritur një marrëveshje e drejtë dhe mendoj se dialogu nuk ka fitues, dialogu është zgjidhja dhe ekipi ynë negociator i udhëhequr nga Marko Gjuriq ka gjetur zgjidhje ideale për serbët në Kosovë “, tha Simiq,
Ai përshëndeti përparimin në dialogun ndërmjet Kosovës dhe Serbisë , siç përcjell Klan Kosova, duke theksuar se ajo që u arrit të mërkurën në Bruksel lejon shumë më tepër liri të lëvizjes për qytetarët serbë.
Sipas kësaj marrëveshjeje, të dyja shtetet do të përdorin letërngjitëse të bardha për tabelat e automjeteve aplikimi i të cilave do të fillojë më 15 nëntor.