Nga 2200 pacientë, aq sa në QKMF’në e Prishtinës kërkojnë insulinë, këtë muaj nuk kanë arritur ta marrin as gjysma prej tyre. Në mesin e këtyre pacientëve është edhe 72-vjeçari Isuf Qorolli. Mirëpo, në furnizimet e fundit që ka pranuar QKMF’ja në Prishtinë vërehet se ka shumë kontradikta mes kërkesave dhe furnizimit të pranuar.
Derisa QKMF’ja për këtë muaj kishte kërkuar mbi 5 mijë copë insulinë të llojit Novomix nga Ministria e Shëndetësisë, kjo e fundit i ka furnizuar ata me vetëm 800 copë. MSH’ja është përkujdesur që këtë qendër ta furnizojë pa nevojë me mbi 2000 copë insulinë të llojit Gensulinë dhe Gensulinë rapid.
Për gjithë këtë situatë, QKMF’ja ka kërkuar sqarime nga Ministria e Shëndetësisë. Mirëpo, Ministria e Shëndetësisë e thotë të kundërtën.