Në Shkodër, akset ku sasia e borës është më e madhe janë Kuben-Vasie (25 cm), ku qarkullimi kryhet pjesërisht me zinxhirë.
Në aksin Peshkopi-Qafë Drajë ka 25 cm borë dhe qarkullimi bëhet pjesërisht me zinxhirë.
Reshjet intensive të borës që kanë përfshshirë Dibrën kanë arritur në 15 cm në qytetin e Peshkopisë, ndërsa në zonat e thella arrin 30-40 cm. Sa u përket rrugëve nacionale, megjithëse nuk janë lidhur kontratat për mirëmbajtjen dimërore, akset po mirëmbahen nga kompanitë që i kanë patur vitin e kaluar.
Në aksin Ura e Cerenecit-Steblevë ka 15-25 cm borë dhe rrugët kalohen pjesërisht me zinxhirë; në aksin Qafë Bualli-Krastë ka 20 cm borë; në Rrugën e Kombit qarkullimi është normal në të gjitha korsitë. Është bërë pastrimi i borës dhe kriposja e rrugës, pasi një ditë më parë qarkulimi u bllokua për 30 minuta për shkak se makinat pa pajisje dimërore nuk kalonin dot zonën malore pranë Kalimashit. Sektori i Policisë Rrugore në Kukës u bën thirrje drejtuesve të mjeteve të bëjnë kujdes gjatë lëvizjes në aksin Tuneli i Kalimashit-Morinë.
Në aksin Laç-Vau i Dejës-Fushë Arrëz ka 20 cm borë dhe qarkullimi bëhet me zinxhirë. Në aksin Fushë Arrëz-Fushë Dukagjin ka 30-50 cm borë.
Në Tiranë, në akset e Dajtit qarkullimi kryhet pjesërisht me zinxhirë për shkak të reshjeve të borës. Apelohet për kujdes në segmentin Qafë Priskë-Qafë Mollë.
Edhe në rrugën Librazhd-Steblevë ka 10 cm borë dhe reshjet vazhdojnë./ Top Channel/
.