Si rrallëherë më parë, Drejtoria e Bujqësisë dhe Pylltarisë në Ferizaj po mbështet bujqit e fermerët ferizajas. Janë 36 fermerë përfitues duke përfshirë edhe shkollën bujqësore “Zenel Hajdini” që përfituan nga subvencionimi për fidane të arrave.
Për ta bërë shpërndarjen, doli vet i pari i Bujqësisë dhe Pylltarisë, Burim Bajrami. Ai tha se ky subvencionimin do të shtrihet në 18 hektarë për ngritjen e fidaneve të arrave duke përfshirë edhe me mbështetjen me sistemin e ujitjes pikë-pikë.
Falënderues për këtë mbështetje u shprehën edhe fermerët përfitues të cilët vlerësuan lartë, angazhimin e Drejtorisë së Bujqësisë dhe Pylltarisë në ndihmë fermerëve përmes subvencionimit të kulturave bujqësore.