Përkrahja e bujqve e fermerëve ferizajas, veçanërisht në këtë periudhë të vështirë të diktuar nga rrethanat pandemike është pjesë e vizionit të qeverisjes lokale, veçanërisht Drejtorisë së Bujqësisë dhe Pylltarisë, për ta fuqizuar këtë sektor.
Me këtë motiv, mesditën e sotme, i pari i Drejtorisë së Bujqësisë dhe Pylltarisë në Ferizaj, Burim Bajrami doli në shpërndarjen e subvencionit të kësaj drejtorie për ngritjen e plantacioneve të qershisë, përfitues të së cilës janë 15 fermerë dhe shkolla e agrobiznesit “Zenel Hajdini” në Ferizaj.
Drejtori Bajrami tha se ky subvencion, kjo përkrahje për fermerët do të vijoj edhe për kultura të tjera, duke fuqizuar edhe më tej bujqit e fermerët ferizajas.