Megjithëse ai nuk ka ardhur në Kosovë, lideri i Partisë Radikale serbe iu është drejtuar të tubuarve nga Beogradi nëpërmes audioparlantit.
Siç raporton KosovaPress, Vojisllav Sheshel ka akuzuar Qeverinë e Serbisë dhe atë të Kosovës që nuk ia lejuan ardhjen në Kosovë.
“Për këtë fajtor është Qeveria tradhtare e Serbisë dhe separatistët shqiptarë që nuk më lejuan të vij tek ju”, ka thënë Sheshel nga Beogradi.
Të tubuarit që po dëgjojnë fjalimin e Sheshelit, përveç fotografive të tij, kanë edhe fotografi të presidentit rus Vlladimir Putin.
Ndryshe për sot ishte paralajmëruar se Shesheli do të vijë në Kosovë por që një gjë e tillë ishte kundërshtuar nga zyrtarët e Qeverisë së Kosovës.
Madje ushtruesi i detyrës së ministrit të Punëve të Jashtme Petrit Selimi ka paralajmëruar se nëse Shesheli hyn në Kosovë ai do të arrestohet./ lajmi.net.
The post Shesheli nuk lejohet të vijë në Kosovë, iu flet serbëve nga Beogradi appeared first on Lajminet.