Ferizaj.27.11.2017. Nxënësit dhe mësimdhënësit e shkollave fillore të komunës së Ferizajt vizituan sot kazermën ‘’Skënderbeu’’ të Komandës së Doktrinës dhe Stërvitjes e cila ndodhet në këtë qytet. Ata u pritën nga oficerët e KDS-së, ku u njoftuan për misionin, detyrat e përgjegjësitë e Forcës së Sigurisë së Kosovës si dhe aktivitetet që zhvillohen në këtë kazermë. Kjo vizitë u bë në kuadër të ‘’Ditës së Hapur’’, e cila shënohet çdo vit me rastin e ditës së themelimit të kësaj force.