Njohesi i çështjeve politike në vend, Driton Selmanaj, ka vlerësuar se pas largimit të Ilir Dedës nga Lëvizja Vetëvendosje, do të ketë edhe largime të tjera nga ky subjekt politik. Largime këto të cilat sipas Selmanajt, do t’i sjellin pasoja kësaj lëvizje.
Në një prononcim për “Gazeta Blic” analisti Selmanaj, ka thënë se Kosovës i duhet më shumë së kurrë një parti e re politike, por sipas tij jo një parti e udhëhequr nga figura që kanë qenë pjesë e subjekteve tjera politike, raporton gazetablic.com
“Kosovës më shumë se kurrë i duhet një parti e re politike, dmth një çasje e re politike. Mirëpo se a’i duhet një parti nga Ilir deda dhe emrat tjerë që po lakohen në media, mendoj që jo, sëpse për një kohë të shkurtë Deda, ka pas lëvizje në subjekte”, ka thënë Selmanaj.
Sipas këtij analisti, partia e re e krijuar nga Ilir Deda në bashkëpunim me deputetën nga LDK-ja, Vjosa Osmanin dhe kryetarën e komunës së Gjakovës, Mimoza Kusarin, do të ishte e pasuksesshme.
“Ilir Deda e Vjosa Osmani si dhe Mimoza Kusari e tjerë emra që do t’i bashkoheshin kësaj partie, nuk do të me bindin që ajo parti do të jetë e suksesshme, sëpse i kemi parë se sa kanë dhenë kountribut në politikë. Por, nëse do të inkuadroheshin persona tjerë të cilët nuk kanë qenë me herët në politike ndoshta do të më bindin që do ta bejnë një parti çfare po i duhet Kosovës, mirëpo me këta jo”, ka thënë Selmanaj.
Pas largimit të Dedës, dhe largimeve të tjera të cilat priten të ndodhin sipas Selmanajt, VV-së do ti ndikojnë negativisht dhe do t’i sjellin pasoja të mëdha, ka cilësuar analisti.
“Inkuadrimi i Dedës në VV si dhe përfaqësuesve të tjerë të FER-it si Shpend Ahmeti e të tjerë i ka dhanë një rritje të ndjeshme elektorale dhe me largimin e Dedës normalisht kjo do të vërehet dhe do të ndikoj në negativishte, në VV”, ka përfunduar Driton Selmanaj.