Mungesa e një drejtësie të pakorruptuar e pengon Kosovën në rrugën drejt integrimeve evropiane e po ashtu edhe te realizimi i të drejtave të vetë qytetarëve.
Në një prononcim për Gazetën Kosova Sot Deputeti i Lëvizja ‘Vetëvendosje’, Rexhep Selimi, theksoi se: ” Për të siguruar një sistem të drejtësisë të paprekshëm për shtetin fillimisht do të duhej të kishte vullnet politik të Qeverisë që e udhëheq këtë shtet. Selimi më tej nënvizon se nuk është vetëm korrupsioni si problem që po e sfidon drejtësinë, pasi siç thotë para së gjithash ajo çfarë e sfidon drejtësinë më së shumti tani është krimi i organizuar, por edhe korrupsioni.”Edhe korrupsioni është derivat i krimit të organizuar në drejtësi, porse ai në drejtësi nuk është thjesht korrupsion ordiner, pasi është derivat i krimit të organizuar, prandaj është një situatë akute, e cila zgjidhet vetëm duke e hequr nga skena shkaktarin e këtij krimi të organizuar brenda sistemit të drejtësisë”, ka potencuar ai.