Deputeti i Lidhjes Demokratike të Kosovës, Adem Salihaj, ka thënë se nuk mund të presin votën e deputetëve serbë për të bërë Ushtrinë e Kosovës, ngase janë të vetëdijshëm që deputetët e Listës Serbe nuk do të bëjnë asgjë nëse nuk iu thotë qeveria e Beogradit. Megjithatë ai ka thënë se transformimi i FSK’së në Forca të Armatosura do të bëhet shumë shpejt.
“Unë jam i bindur se nuk do të jetë larg koha kur do ta formojmë, ose do ta shndërrojmë FSK’në në ushtrinë e Kosovës”, tha Salihaj për Tribuna Channel.
Tha se Serbia do të mundohet por nuk do të mund të ndalojë formimin e ushtrisë
“Jemi plotësisht të bindur se Serbia do të mundohet ta bëjë këtë por nuk besoj se do të arrij ta ndalojë Kosovën që ta ketë ushtrinë e saj”, tha Salihaj.